កូនខ្មែរកំពុងងោកងុលភ្លេចខ្លួន

 

កូនខ្មែរកំពុងតែងោកងុយភ្លេចខ្លួនបាត់បង់ការចងចាំរឿងរ៉ាវប្រវត្តិសាស្ត្រខ្លួន បូករួមទាំងជំងឺអាត្មានិយមដល់ដំណាក់កាលពិបាកព្យាបាល។ មនុស្សស្លាប់រាល់ថ្ងៃតែប្រវត្តិសាស្ត្រប្រទេស1មិនត្រូវអោយស្លាប់ទៅតាមមនុស្សទេ ទោះជាសម័យណាក៏ដោយ ឆ្លាក់ជាប់នឹងថ្មរ ចងក្រងជាអក្សរ ជាចម្រៀង.....។

ងាក់មកឥឡូវ រឿងរ៉ាវប្រវត្តិសាស្ត្រដែលសំខាន់ៗ នាទសវត្ស60 ដល់ឆ្នាំ 79 ទើបតែថ្មីៗសោះដែលទាក់ទងដល់ជោគវាសនាអនាគតខ្មែរមួយប្រទេសតើមានខ្មែរប៉ុន្មាននាក់ដឹងរឿងរ៉ាវពិត ហើយមានប៉ុន្មាននាក់ចង់ដឹងរឿងរ៉ាវពិតប្រាកដ ហើយមានប៉ុន្មាននាក់ចង់និងព្យាយាមស្វែងយល់រឿងពិតទាំងនោះថាតើវាកើតឡើងដោយរបៀបណាអោយច្បាស់អោយពិតប្រាកដ? កូនអើយកូន យកឃាតករជាអ្នកមានគុណ បុព្វបុរសបូជាជីវិតជាប់ឈ្មោះសុទ្ធតែជាជនក្បត់ជាតិ។ បើខ្មែរភាគច្រើនមិនព្រមគិតមិនព្យាយាមស្វែងយល់ការពិត ត្រូវនឹងគេលាក់បាំងការពិតមិនចង់អោយយើងដឹងថែមទៀត តើយើងរំពឹងអីទៀត ។ មនុស្សកើតរាល់ថ្ងៃតែទឹកដីមិនបានកើតរាល់ថ្ងៃទេហេតុនេះយើងត្រូវរួមគ្នាថែរក្សាដីទឹកមាតុភូមិយើងអោយបានគង់វង្ស។

__________________________

រូបភាព: ជំរុំសាយធូ (site 2) សាយប៊ី (site B) ខាវអីដាង (Khao I Dang) ណងចាន់ (Nong Chan) តាទុំ (Ta Tum) រិទ្ធិសែន (Rithysen) សុខសាន/សាយអ៊ី（Site E) សាយអេច (Site 8) សាយឃេ (Site K) និង០០៧។ល។ 

រូបភាពនេះជាជ្រុងតូចមួយ កាលខ្មែរនិរាសព្រាត់ប្រាស់ បងប្អនសាច់ញាតិ រត់ចោលភូមិ ស្រុក រត់ចាកចោលមាតុភូមិ នាអំឡុងទសវត្សឆ្នាំ១៩៨០ ដល់ទសវត្សឆ្នាំ១៩៩០ ដោយសាតែសង្រ្គាម ហើយប្រទេសមួយដ៏តូចត្រូវបែងចែកគ្នាគ្រប់គ្រងជា៣ជា៤ចំណែក។